Хитойнинг Шэньси провинцияси Баоцзи шаҳридаги емакхонада ҳомиладор аёл тўрт ёшли боланинг оёғидан чалиб, йиқитиб юборгани акс этган видео тарқалди, деб хабар беради «Sohu.com».
Ушбу видео ижтимоий тармоқлар фойдаланувчилари ўртасида кенг муҳокамаларга сабаб бўлди. Улар ҳомиладор аёлнинг ушбу ҳаракатини кескин танқид қилди.
Қайд этилишича, болакай кўчада кутиб турган ота-онаси учун овқатланишда фойдаланиладиган чўпларни олиш мақсадида ҳомиладор аёл овқатланиб ўтирган емакхонага югуриб кирган.
У бинога кираётганида эшикдаги пластик пардани босиб олган, шу пайтда парда аёлнинг юзига бориб урилиб, унинг шўрваси тўкилиб кетган.
Аёл ушбу ҳаракатни жазосиз қолдиришни истамади ва бола кўчага югуриб чиқаётганида унинг оёғидан чалиб йиқитди. Бола орқаси билан ерга йиқилиб тушди.
Ота-онасининг сўзларига кўра, у жиддий жароҳат олмаган.
Ушбу видеони томоша қилган ижтимоий тармоқлар фойдаланувчилари ҳомиладор аёлни ҳақоратлаб, унга кўнгилсизликлар тилаган.
Боланинг яқинлари аёл ўз хоҳиши билан полицияга боргани ва иш ижобий ҳал этилганини маълум қилган. Шундан сўнг унинг ота-онаси интернет фойдаланувчиларига мурожаат қилиб, бўлажак онани ҳақоратлашни тўхтатишни сўраган.
Изоҳ (0)