Бельгия суди 2015 йилги Париж терактлари ташкилотчилари орасида тирик қолган сўнгги шахс — Салоҳ Абдусаломни 20 йил қамоқ жазосига ҳукм қилди. Бу ҳақда «ТАСС» хабар бермоқда.
«Суд Салоҳ Абдусалом ва унинг шериги Суфён Айрини қуролли қаршилик ва полиция ходимлари ҳаётига қасдда айбдор деб топди. Суд айбланувчини 20 йилга озодликдан маҳрум этди», — дейилади суд ҳукмида.
Ҳозир Франциядаги қамоқхонада сақлаб турилган Салоҳ Бельгиядаги суд жараёнида шахсан иштирок этишдан бош тортди. Суд залида унинг адвокати Свен Мари бўлиб турибди.
Изоҳ (0)