Москвада 21 апрель куни кузатилган бўрон оқибатида бола ҳалок бўлди, яна 12 киши жароҳатланди. Бу ҳақда, Москва мери Сергей Собянинга асосланиб, Meduza хабар берди.
«Шифокорлар ўта оғир аҳволдаги қизалоқни қутқариб қолишнинг уддасидан чиқа олмади», — дея маълум қилди шаҳар раҳбари.
«Интерфакс» ахборотига кўра, Москва вилоятининг Митишчи шаҳрида шамол қурилиш буюмларининг учириб ташлаши оқибатида бир эркак ҳалок бўлган.
21 апрель куни Москва шаҳри ва вилоятида бўрон хавфи эълон қилинган эди. Кечга томон ҳаво ҳарорати кескин совиши, ҳўл қор ёғиши кутилаётган эди.
Шаҳар Йўл ҳаракатини ташкил этиш марказидан маълум қилишларича, шамол вақти том бўлагининг учиб тушиши оқибатида Садовий ҳалқа йўлининг ташқи томонида ҳаракат тўхтатилган. Измайловский шоссесида эса йўлга ағанаган дарахтлар сабаб ҳаракат тўхтаган.
Изоҳ (0)