Мактаб ўқувчилари учун якуний имтиҳон саволлари тайёрланди

Халқ таълими вазирининг 2018 йил 28 февралдаги «Умумий ўрта таълим муассасаларида ўқувчиларнинг босқичли якуний назорат имтиҳонларини ташкил этиш ва ўтказиш тўғрисида»ги 51-сонли буйруғига асосан имтиҳон саволлари тайёрланди. Бу ҳақда вазирлик сайтида маълум қилинди.

Имтиҳон саволлари умумтаълим муассасалари, ихтисослаштирилган мактаб ва мактаб-интернатлари ўқувчилари учун мўлжалланган бўлиб, таълим олиб бориладиган еттита тилда ишлаб чиқилган.

Жорий йилда умумтаълим муассасаларининг 5, 8 ва 10-синф ўқувчилари оғзаки, ёзма имтиҳон ёки тест синовлари шаклида босқичли назорат, 9-синф ўқувчилари давлат аттестацияси шаклида якуний назорат имтиҳонларини топширади.

Тест саволларини вазирлик сайтидан кўчириб олиш мумкин.