Полковник Комилжон Арипов Ўзбекистон фавқулодда вазиятлар вазирининг биринчи ўринбосари лавозимидан озод этилди. Бу ҳақда «Халқ сўзи» хабар бермоқда.
Буни вазирлик сайтида мазкур лавозим вакант турганидан ҳам билиш мумкин.
Комилжон Арипов 2013 йилнинг январидан бери ушбу вазифада ишлаб келаётган эди. Ҳозирча унинг мазкур вазирлик тизимида қолгани ёки бошқа ишга тайинлангани ҳақида маълум эмас.
Маълумот учун, айни пайтда Ўзбекистон фавқулодда вазиятлар вазири лавозими ҳам вакант турибди.
Изоҳ (0)