Дуров «Роскомнадзор» блокировкасини четлаб ўтиш имконини берувчи янгиланишни ишга туширди

16 апрелдан 17 апрелга ўтар кечаси Павел Дуровнинг жамоаси Telegram’нинг россиялик фойдаланувчиларига сервисдан VPN ва проксини қўлламасдан фойдаланиш имконини берувчи янгиланишни ишга туширди, деб ёзади «AfishaDaily».

Бунинг учун тегишли пуш-хабарномани очиш керак. У қуйидаги кўринишга эга:

Янгиланиш мазмуни ошкор этилмаяпти, бироқ «AfishaDaily» текшируви «Роскомнадзор» томонидан блокланган мессенжер қўшимча сервисларни қўлламаган ҳолда ишлаётганлигини кўрсатди.

Эслатиб ўтамиз, 13 апрель куни «Роскомнадзор» web.telegram.org ва t.mе манзилларини тақиқланган сайтлар рўйхатига киритди.