ДХХ Қашқадарё вилоят бошқармаси ва Бош прокуратура ҳузуридаги департамент ходимлари томонидан фирибгарлик ҳолати фош этилди. Бу ҳақда «Дарё» мухбири хабар бермоқда.
Қамаши туманининг Калтатой қишлоғида яшовчи, 1981 йилда туғилган Шоди Эшназаров Қарши туманида яшовчи Юсуф Тошевга ҳарбий хизматга жўнатиб юборишни ваъда қилади. «Хизмати» учун эса 1200 доллар сўрайди.
Фирибгарнинг «ҳожатбарорлиги» узоққа чўзилмади. Ўтказилган тезкор тадбир чоғида Ш.Эшназаров ашёвий далиллар билан қўлга олинди.
Айни пайтда мазкур ҳолат юзасидан ЖКнинг тегишли моддалари билан тергов ҳаракатлари олиб борилмоқда.
Изоҳ (0)