Индира Жолдубаева Қирғизистон бош прокурори лавозимидан озод этилди. Бу ҳақда Қирғизистон президенти матбуот хизмати маълум қилди, дея хабар берди Sputnik.
Президент Сооронбай Жээнбеков Жогорку Кенешга унинг истеъфоси ҳақидаги тақдимнома киритди ва буни бош прокурор қўйилган вазифаларни уддалай олмагани билан асослади.
Жогорку Кенешнинг 105 нафар депутати истеъфони ёқлаб овоз берди, икки киши қарши чиқди.
Индира Жолдубаева бундан уч йил аввал, 36 ёшида ушбу лавозимни эгаллаган ва Қирғизистоннинг энг ёш бош прокурорига айланганди.
Қирғизистон парламенти бош прокурор истеъфоси ҳақидаги президент таклифини Жолдубаеванинг туғилган куни — 11 апрелда маъқуллади.
Изоҳ (0)