Мексикада дунёдаги энг катта акула одамлар билан бирга сузганлигини видеога олишди

Мексиканинг Жанубий Калифорния штати соҳилларида улкан кит акула билан бирга сузаётган одамларни видеога олишди, деб ёзади «Корреспондент.net».

Видео 36 ёшли оператор Саньюдо Суарес томонидан дрон ёрдамида олинган. Видеоёзувда акула яқинида сузаётган уч кишини кўриш мумкин. Кейинроқ уларга сузувчи ҳам қўшилган.

Сузаётганлардан бири акулага қўл чўзса етгулик масофага яқинлашган.

«Кит акулалари инсонга ҳеч қандай зарар етказмайди. Ўша куни мен ҳам улар билан бирга суздим ва уларни сув остида GoPro камерасига тасвирга олдим», — дея ҳикоя қилади Суарес.