Наманганда «Карантин назорати» маскани ташкил этилди

Шу боис барча кириш автомобиль йўлларида мониторинг тартибида ветеринария назорати ўрнатилиши мақсадга мувофиқ деб топилди. Вилоят ИИБ ва ветеринария бошқармалари ташаббуси билан Наманган туманининг Қоракўл қишлоғида қўшни вилоятлардан тегишли ҳужжатларсиз, ветеринария назоратини четлаб озиқ-овқат ва чорвачилик маҳсулотлари кириб келиши ва чиқиб кетишини назорат қилиш мақсадида «Карантин назорати» маркази ташкил этилди.

«Карантин назорати» масканида гўшт, сут, тухум, балиқ маҳсулотларининг истеъмол учун яроқлилигини аниқловчи лаборатория мавжуд. Йўлга қўйилган хизматлар орқали маҳсулотларни олиб келувчи тадбиркорларга қулайлик яратиш, вақтини олмаслик, сифатсиз маҳсулотларни жойида аниқлаб, вилоят ҳудудига киришига йўл қўймаслик ва белгиланган тартибда йўқ қилиш кўзда тутилган.