Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси «ТД ГраСС» МЧЖ (Волжский, Россия)нинг Hamkor Nur Biznes МЧЖ (Ўзбекистон) томонидан унинг интеллектуал мулк ҳуқуқи бузилиши масаласи бўйича мурожаатини кўриб чиқди, деб ёзади Spot.
Ўзбекистондаги корхона автомобилларни тозалаш воситалари ва маиший кимё маҳсулотларини ишлаб чиқаришда «ТД ГраСС» МЧЖ томонидан ишлаб чиқариладиган маҳсулотнинг ёрлиқлари ва белгиларига ўхшаш ёрлиқлар ва номлардан фойдаланилаётганлиги аниқланди.
Россия компанияси автомобиллар учун тозалаш воситалари ва маиший кимё маҳсулотларини Россия ҳудудида ишлаб чиқариши ва 2015 йилдан буён ўз маҳсулотларини Ўзбекистонга етказиб бериши маълум бўлди.
Hamkor Nur Biznes МЧЖ эса шунга ўхшаш маҳсулотни ишлаб чиқаришни 2017 йилда ўзлаштирган.
Ўзбекистон компанияси бир қатор маҳсулотларининг номлари ва ёрлиқлари Россия компанияси маҳсулотлари (Universal Cleaner, Floor Wash, Clean Glasstorus)дан тўлиқ кўчириб олинган, деб топилди.
Ўзбекистон компанияси «Рақобат тўғрисида»ги қонуннинг 13-моддаси (Инсофсиз рақобатни тақиқлаш) тўртинчи қисми биринчи хатбошисини бузганликда айбдор деб топилди ва тегишли чоралар кўрилди.
Изоҳ (0)