КХДР етакчиси Ким Чен Ин Корея Меҳнат партияси марказий қўмитаси йиғилишида илк бор АҚШ ва Жанубий Корея билан олий даражадаги учрашувларни тилга олди. Бу ҳақда «РИА Новости» хабар берди.
Корея марказий телеграф агентлигига кўра, Ким Чен Ин 27 апрель куни Пханмунчжом чегара пунктидаги «Тинчлик уйи»да бўлиб ўтадиган Мун Чжэ Ин билан музокаралар ҳақида маълум қилган.
Шунингдек, «АҚШ билан мулоқот истиқболлари»га баҳо берган.
Шу тариқа, бу Ким Чен Ин томонидан айтилган ва КХДР ОАВларида ёритилган бўлажак олий даражадаги учрашувлар ҳақидаги илк эслатма бўлди. Гарчи 27 апрелда ўтказиладиган саммитга тўлиқ тайёргарлик кетаётган бўлса ҳам, музокаралар ҳақида шу пайтгача фақат Жанубий Кореянинг юқори мартабали мансабдорлари маълум қилиб келганди.
Изоҳ (0)