Туркияда иккинчи марта  Hestourex соғликни сақлаш, спорт ва туризм кўргазмаси бўлиб ўтди. Унда ўзбекистонлик шифокорлар иштирок этди, деб ёзади «Газета.uz».

5—8 апрель кунлари Анталияда бўлиб ўтган тадбир 165 та мамлакат қатнашчиларини тўплади. Унда тиббиёт муассасалари, туристик бизнес ва суғурта компаниялари вакиллари иштирок этди. Кўргазма Туркия президенти Ражаб Эрдўғон патронажи остида ўтказилди.

Кўргазмада Ўзбекистондан 14 нафар шифокор иштирок этди. Улар  Hestourex’га ташрифи давомида бир нечта тиббиёт муассасалари, жумладан,  Fizikalya хусусий физиотерапевтик клиникаси, Akdeniz давлат шифохонасига ташриф буюрди.

Кўргазма Ўзбекистон ва Туркия ишчи доиралари учрашувларини ўз ичига олди.