Ўзбекистон Тожикистонга газ етказиб беришни бошлади. Бу ҳақда «Газета.uz» хабар бермоқда.
Газ «Музробод—Душанбе» магистрал газ ўтказгичининг икки тармоғи орқали етказиб берилмоқда. Унинг ўтказиш имконияти соатига 125 минг кубометрни ташкил этади. Бу билан Тожикистоннинг Турсунзода тумани эҳтиёжи тўлиқ таъминланади ( у ерда Тожик алюмин компанияси — ТАЛКО жойлашган).
Тожикистонга табиий газ экспорти бўйича келишув Ўзбекистон Президенти Шавкат Мирзиёевнинг қўшни давлатга жорий йил март ойида амалга оширган ташрифи давомида имзоланганди.
Шартномада 2018 йили умумий суммаси 15,1 миллион доллар бўлган 126 миллион кубометр газ етказиб берилиши кўзда тутилган.
Изоҳ (0)