Бугун, 8 апрель санасида Англия премьер лигасининг 33-турида «Арсенал» «Саутгемптон»ни қабул қилди. Лондонда кечган учрашув «канонирлар»нинг 3:2 ҳисобидаги ғалабаси билан якунланди.
Аввалига меҳмонлар 17-дақиқада ҳисобни очди. Гол муаллифи Шэйн Лонг. Кўп ўтмасдан Дэнни Уэлбекнинг узатмасидан сўнг Пьер-Эмерик Обамеянг ҳисобни 1:1 кўринишига келтирди. Учрашувнинг 38-дақиқасида Уэлбек гол уриб «Арсенал»ни олдинга олиб чиқди. «Саутгемптон» Чарли Остиннинг 73-дақиқада урган голи сабаб ҳисобни тенглаштирди. Ўйиннинг 81-дақиқасига келиб яна ўша Уэлбек 2-голни уриб, жамоасининг ғалабасини таъминлади.
Турнинг сўнгги ўйини Лондонда «Челси» ҳамда «Вест Ҳэм» жамоалари ўртасида кечди. Учрашув 1:1 ҳисобидаги дуранг билан якунланди. «Челси» сафида Сезар Аспиликуэта гол урган бўлса, унга меҳмонларда Хавьер Эрнандес — Чичарито жавоб қайтарди.
Англия премьер лигаси
33-тур беллашувлари
8 апрель, якшанба
«Арсенал» – «Саутгемптон» 3:2
Голлар: 0:1 – 17 Лонг, 1:1 – 28 Обамеянг, 2:1 – 38 Уэлбек, 2:2 – 73 Остин, 3:2 – 81 Уэлбек.«Челси» — «Вест Ҳэм» 1:1
Голлар: 1:0 — 36 Аспиликуэта. 1:1 — 73 Чичарито.
Изоҳ (0)