Япониялик эркак ўзининг севимли поп-юлдузи олдида харакирини амалга оширишга уриниб кўрди. Бу ҳақда SoraNews24 нашри хабар берди.
48 ёшли эркак Тайбайга тайванлик поп-юлдуз Доранинг сўнгги концертини томоша қилиш учун етиб келган. Аввалроқ юлдуз ўз карьерасига якун ясаганини, интернетдаги ўз саҳифаларини янгилашни тўхтатганини ва мухлислари олдидаги жонли чиқишлардан ҳам воз кечганини маълум қилган.
Концертдан сўнг эркак юлдуз билан суҳбатлашган ва кейин ўзини ўлдиришга уринган. Атрофда бўлганлар унга ўз ниятини амалга оширишга халақит берган, Дора эса полиция чақирган. Сўров вақтида эркакнинг маълум қилишича, Доранинг саҳнадан кетиш ҳақидаги хабари уни тушкунликка туширган ва ўзини ўлдириш ниятини уйғотган.
Ҳодисадан сўнг эркак касалхонага олиб борилган. У олган жароҳатлар жиддий бўлмаган ва ҳаёти учун хавф туғдирмаган.