Хоразм вилоятининг Шовот туманида 5 апрель куни рўй берган ЙТҲда 2 киши ҳалок бўлди, бир киши жароҳатланди. Бу ҳақда ИИВ жамоатчилик ва ОАВ билан алоқалар бошқармаси хабар берди.
Шу куни соат 01:10 атрофида туман ММТП тракторчиси, 1990 йилда туғилган М.Ҳайитбоев ўзига бириктирилган Magnum тракторида «Шовот—Урганч» йўлининг 22-километрида чап томонга бурилаётиб, қаршисидан ҳаракатланиб келаётган О.Пирметов (1993) бошқарувидаги Spark машинасига йўл бермаслиги оқибатида тўқнашув содир этди.
Ҳодиса оқибатида Spark ҳайдовчиси О.Пирметов ва йўловчи Т.Атамуратов (1992) воқеа жойида ҳалок бўлди. Яна бир йўловчи — О.Ражабов (1990) жароҳат олиб, касалхонага ётқизилди.
Мазкур ҳолат юзасидан тергов ҳаракатлари олиб борилмоқда.
Изоҳ (0)