Қибрайда ўғриликдан сўнг тикув цехини ёқиб юборишга уринган шахс қўлга олинди. Бу ҳақда Ўзбекистон ИИВ Жамоатчилик ва оммавий ахборот воситалари билан алоқалар бошқармаси хабар бермоқда.
Хабар беришларича, Тошкент вилояти Қибрай туманидаги Техтиле Чемиcал компанияси тикув цехига 1 апрелга ўтар кечаси дераза ойнасини синдириш йўли билан кирилиб, умумий қиймати 48,2 миллион сўмлик жами 7 235 дона футболка ўғирлаб олиб чиқилган.
Ўғриликни содир этган шахс жиноят изини яшириш мақсадида цехда қолган футболкаларни ёқиб юбормоқчи бўлганида, уни компания қоровули кўриб қолган — ўғри олиб чиққан футболкаларини ташлаб, қочиб кетган.
«Кўрилган чоралар натижасида ушбу жиноятни Қибрай тумани Байтқўрғон маҳалласида яшовчи, 1994 йилда туғилган фуқаро содир этгани аниқланди», — дейилади ИИВ ахборотида.
Ҳозирги вақтда гумонланувчи қўлга олингани айтилмоқда.
Изоҳ (0)