Суриянинг Дамашқ вилоятидаги Барза даҳасида миналаштирилган машинанинг портлаши оқибатида бир киши ҳалок бўлди ва яна 6 киши жароҳат олди. Бу ҳақда Сурияда урушаётган томонларни яратиш бўйича Россия маркази раҳбари Юрий Евтушенкога таяниб, «Газета.ru» хабар берди.
«Музокаралар жараёнини фаоллаштириш билан боғлиқ вақтинчалик тинчликдан кейин Дамашқ ва унинг атрофи яна ўққа тутила бошланди», — дейди Евтушенко.
Унинг сўзларига кўра, «пойтахтнинг Барза даҳасида жойлашган Ал-Ханса масжиди яқинида миналаштирилган автомобилнинг портлаши оқибатида бир киши ҳалок бўлган ва яна олти нафар тинч аҳоли жароҳат олган».
«Ўтган кунлар ичида ‘Жайш ал-Ислом’ террорчилик ташкилотининг жангарилари пойтахт ва унинг атрофига иккита мина ташлаган. Шунингдек, Сурия ҳукумат қўшинларининг позициялари ҳам ўққа тутилган», — дея таъкидлади Евтушенко.
Изоҳ (0)