TravelAsk архитекторлар томонидан йўл қўйилган хатоликлар туфайлик кўплаб инсонларнинг ҳаётига зомин бўлган ишоотлар борасида маълумот тўплаб тақдим этди.
«Никeрброкер» кинотеатри (Вашингтон, АҚШ), 1992 йил 28 январь
5 йиллик бино томи икки кун давомида ёққан қалин қор қатламига чидаш бера олмаган. Кинотеатр қулаб тушган вақтда унинг ичи одамларга тўла бўлган, бунинг оқибатида 98 киши ҳалок бўлган.
Ярмут кўприги (Грейт-Ярмут, Англия), 1845 йил 2 май
1845 йилнинг 2 май санасида дарё бўйлаб бочка устида сузиб кетаётган масхарабозни томоша қилиш учун юзлаб болалар ва уларнинг ота-оналари ташриф буюрган. Уларнинг барчаси Ярмут кўпригига тўпланишган. Кўприк остидан сузиб ўтаётган масхарабозни кўриш учун одамлар жойидан силжиганида платформа занжирлари бунга дош бера олмай узилиб кетган.
«Пембертон Милл» фабрикаси (Лоренс, Массачусетс), 1860 йил 10 январь
7 йил қад ростлаб турган фабриканинг тўсатдан қулаб тушиши оқибатида 145 киши ҳалок бўлган. Аниқланишича, фабрикани қуриш вақтида арзон пўлат тўсинлардан фойдаланилган.
Ronan Point биноси (Лондон, Англия), 1968 йил 16 май
Қурилиш ишлари якунланганига икки ой тўлмасдан бинода газ сизиб чиққан. Портлаш оқибатида бинонинг битта асосий девори қулаб тушган. 4 киши ҳалок бўлган.
Титон дарёсидаги тўғон (Айдахо, АҚШ), 1976 йил 5 июнь
Титон дарёсига қурилган тўғоннинг бузилишига қурилиш вақтидаги хатолик сабаб бўлган. Бунинг оқибатида 11 киши ҳалок бўлган ва 13 мингдан ортиқ одам жароҳат олган.
Sampoong савдо маркази (Сеул, Жанубий Корея), 1995 йил 29 июнь
11 сентябрда содир бўлган терактга қадар Сеулдаги универсал савдо мажмуасининг қулаб тушиши энг ҳалокатли ҳодиса ҳисобланган. Бинонинг қулаши оқибатида 502 киши ҳалок бўлган.
Тантаналар зали (Қуддус, Исроил), 2001 йил 24 май
Лойиҳачиларининг нотўғри ҳисоб-китоблари сабаб констуркция тантана вақтида рақсга тушаётган одамларнинг оғирлигини кўтара олмаган. Натижада 23 киши ҳалок бўлган, яна 380 киши жароҳат олган.
Lotus Riverside комплекси (Шанхай, Хитой), 2009 йил 27 июнь
Комплексдан 13 қаватли 11 та кўп қаватли турар жой биноси ўрин олган, бироқ 2009 йилда улардан бири тўсатдан қулаб тушган.
Rana Plaza биноси (Савар, Бангладеш), 2013 йил 24 апрель
Бинонинг 8-қаватида ёриқлар пайдо бўлиши билан одамлар дарҳол эвакуация қилинган. Бироқ юқори қаватдаги одамлар бинодан қочиб чиқишга улгурмаган. Фалокат оқибатида 1127 киши ҳалок бўлган.
