Москванинг Тверь туман суди «Сумма» гуруҳи эгалари — Forbes рўйхатига киритилган Зиёвуддин Магомедов, унинг укаси Магомед, шунингдек, бизнесмен Артур Максидовни 2 ойга ҳибсга олди. Бу ҳақда Tengrinews хабар бермоқда.
Улар давлат бюджетидан 2,5 миллиард рубль ўмариш бўйича жиноий иш доирасида қўлга олинди.
Терговчилар ака-ука Магомедовларни уюшган жиноий гуруҳ ташкилотлари санамоқда. Кўрсатилган сумма эса хорижга олиб чиқилгани ва Магомедовга тегишли офшор ҳисоб-рақамларида сақланаётгани билдирилмоқда.
Зиёвуддин Магомедов тахмин қилинаётган зарар миқдорини гаров тариқасида тақдим этишни таклиф қилди, бироқ судья гумонланувчининг шахси ва эълон қилинган айбловлар оғирлигини ҳисобга олиб, миллиардерни озод қилишдан бош тортди.
Бизнесменлар айбланаётган моддалар 10 йил озодликдан маҳрум этишга олиб келиши мумкин.
Маълумот учун, Зиёвуддин Магомедов 2017 йили Forbes журналининг Россиянинг энг бадавлат бизнесменлари рўйхатида 63-ўринда қайд этилганди Унинг мол-мулки 1,4 миллиард доллар баҳоланади.
Изоҳ (0)