Екатеринбургда 220 метр келадиган телеминора портлатилди. Мазкур битмай қолган иншоот шаҳардаги энг баланд бино ҳисобланар эди, деб хабар берди «Газета.ru».
Маълум қилинишича, телеминорани портлатишдан олдин аҳолини огоҳлантириш учун икки маротаба сирена янграган. Бир неча дақиқадан сўнг эса портлаш содир бўлган ва минора қулаган.
Екатеринбург телеминорасини қуриш ишлари 1983 йилда бошланган. Унинг баландлиги 361 метрга тенг бўлиши, сигнал эса бутун Свердловск вилоятига тарқалиши керак эди. 1991 йилда қурилиш ишлари молиявий қийинчиликлар сабаб тўхтатиб қўйилган. Битмай қолган телеминорада офислар, спорт марказлари, ФҲДЁ, аттракционлар, кинотеатр, ибодатхона қуриш режалаштирилган, бироқ буларнинг бирортаси амалга оширилмасдан қолиб кетган.
Изоҳ (0)