36 ёшли швециялик футболчи икки томоннинг ўзаро келишуви асосида «Манчестер Юнайтед» билан шартномани бекор қилди. Бу ҳақда МЮнинг Twitter-саҳифасида маълум қилинди.
Қайд этилишича, Златан Ибрагимович келаси ҳафтада АҚШга йўл олади ва «Лос Анжелес Гэлакси» билан шартнома тузади.
Златан МЮда икки мавсум ҳаракат қилди ва учта совринга — Англия лига кубоги, Англия суперкубоги ва Европа лигаси кубогига эга чиқди. АПЛда эса 33 та учрашувида майдонга тушган Ибра 17 та гол урди ва бешта голга ҳаммуаллифлик қилди.
МЮдан кетиши борасида Златан шундай деди:
Ҳамма яхшиликларнинг ҳам охири бўлади. МЮдаги фантастик икки мавсумдан кейин яна олға юришда давом этишим лозим. Клубга, мухлисларга, мураббий ва барча ходимларга ҳаётимдаги ушбу давр учун миннатдорчилик билдираман.Қуйида Златан Ибрагимовичнинг МЮ сафида урган голларини ёдга оламиз.Златан Ибрагимович, футболчи
Изоҳ (0)