Аввал хабар берилганидек, бугун футбол бўйича Ўзбекистон миллий терма жамоаси Марокашнинг Касабланка шаҳрида Сенегал терма жамоаси билан ўртоқлик ўйинида майдонга тушади. Аслида ушбу беллашув Тошкент вақти билан 23:00 да бошланиши эълон қилинган эди.
Аммо «Championat.asia»нинг маълумотларига кўра, Сенегал — Ўзбекистон учрашуви ҳозирча номаълум бўлган сабаблар туфайли Тошкент вақти билан 21:30 га кўчирилган.
Демак, Ўзбекистон миллий терма жамоасининг бугунги ўйинини Тошкент вақти билан 21:30 дан бошлаб кузатиб бориш мумкин бўлади.
Хабарда қайд этилишича, бу ўзгариш Sport-TV телеканали теледастурларида муаммо келтириб чиқаради. Сабаби, бугун 20:00 да Ўзбекистон ва Кения олимпия терма жамоалари Андижондаги «Соғлом авлод» стадионида ўзаро ўртоқлик учрашувида майдонга тушади. Sport-TV эса мазкур баҳсни ҳам тўғридан-тўғри эфирда намойиш этилишини маълум қилганди.
Энди эса миллий терма жамоа иштирокидаги ўйин Ўзбекистон ва Кения олимпия терма жамоалари учрашуви тугаб улгурмасдан бошланади.
Изоҳ (0)