Шаҳзода бу галги концерт дастурини пойтахтдан узоқда яшаётган мухлисларига ҳам намойиш этиш ниятида. Миллий матбуот марказида бўлиб ўтган матбуот анжуманида хонанданинг ўзи бу ҳақда маълум қилди, дея хабар беради ЎзА.
— Ҳар йили май ойида Шаҳзода ўзининг катта дастурини намойиш этмоқда, — дейди хонанданинг продюсери Даврон Муқимов. — Бу сафар мухлисларга шодлик улашиш, улар билан яқиндан мулоқот қилиш мақсадида мамлакат бўйлаб хизмат сафарига чиқмоқчимиз. Янги ижро ва севимли қўшиқлардан иборат «Шаҳзода сенинг шаҳрингда» деб номланган лойиҳа шу йилнинг 1—25 май кунлари Нукус, Урганч, Наманган, Андижон, Қўқон, Самарқанд, Бухоро каби 12 шаҳар ва туманда намойиш этилади. Ўйлайманки, Шаҳзода ва мухлислар учрашуви унутилмас таассуротларга бой бўлади.
Матбуот анжуманида Шаҳзода журналистларни қизиқтирган барча саволларга жавоб қайтарди.
Изоҳ (0)