Хоразм вилоятининг Янгибозор туманида яшовчи, 1997 йилда туғилган П.Б. 2018 йил 17 февраль куни туғишдан кейинги асоратлар билан туман касалхонасига ётқизилди. Бу ҳақда ИИВ жамоатчилик ва ОАВ билан алоқалар бошқармаси маълум қилди.
Олиб борилган суриштирув ишлари натижасида 15 февраль куни П.Б. уйида қиз чақалоқ туққанлиги ва чақалоқни пакетга солиб, уйига яшириб қўйганлиги аниқланди.
Ўтказилган суд-тиббий экспертизаси натижасида чақалоқ тирик ҳолда туғилгани, унга енгил жароҳат етказилгани ва ёпиқ муҳитдан келиб чиққан механик асфиксиядан ўлгани аниқланди.
Мазкур ҳолат юзасидан тергов ҳаракатлари олиб борилмоқда.
Изоҳ (0)