Тошкент вилояти ҳудудидаги кузатув камералари 3 ҳафта ичида 23 мингдан ортиқ қоидабузарликни қайд этди

20 январдан бошлаб «Олмаота—Бишкек—Тошкент—Термиз» автомобиль йўлида фото ва видео қайд этиш синов тариқасида ишлаб келаётган эди. 16 февраль кунидан бошлаб ишга тушган камералар 7 мартга қадар ушбу йўлда 23 000 дан ортиқ қоидабузарликни аниқлади. Бу ҳақда «Дарё»га Тошкент вилояти ИББ ЙҲХБ хабар берди.

Ушбу кўрсаткич ҳудудлар (вилоятлар) кесимида таҳлил этилганда, Тошкент шаҳрида — 8205 та, Тошкент вилоятида — 4896 та, Сирдарё вилоятида — 1684 та, Жиззахда — 1709 та, Самарқандда — 2395 та, Фарғонада — 202 та, Наманганда — 138 та, Андижонда — 165, Қашқадарёда — 1825 та, Сурхондарёда — 855 та, Бухорода — 545 та, Навоийда — 330 та, Хоразмда — 225 та ва Қорақалпоғистон Республикасида 245 тадан белгиланган тезликни ошириш қоидабузарликлари содир этилган.

Бундан ташқари ушбу тезликни меёридан ошириб, бошқариш қоидаларига бўйсунмасдан мунтазам равишда такроран қоидабузарлик қилган автомобиллар рўйхати тузилди. Рўйхатга Тошкент вилоятида рўйхатдан ўтган Cobalt автомобили етакчилик қилмоқда. У 9 маротаба тезликни белгиланган меъёридан оширган. Жарималарининг умумий қиймати эса 4 650 480  сўмга тенг. Шунингдек, Тошкент шаҳрида рўйхатдан ўтган Nexia русумидаги автомобиль 7 маротаба тезликни оширган бўлиб, унинг жарималари қиймати жами 4 994 960 сўмни ташкил этган.