Сирдарёда уй эгасини калтаклаб, хонадонига ўт қўйган шахслар қўлга олинди

Сирдарё вилоятининг Янгиер шаҳри, Бинокор маҳалласида 3 март куни ёнғин содир бўлди. Бу ҳақда ИИВ жамоатчилик ва ОАВ билан алоқалар бошқармаси маълум қилди.

Ёнғинни ўчириш вақтида уй эгаси, 1958 йилда туғилган В.Сапсай бошида жароҳатлар билан беҳуш ҳолда топилди. У касалхонага келтирилганида ҳаётдан кўз юмди.

Кўрилган чоралар натижасида ушбу жиноятни Ховос туманида яшовчи, муқаддам судланган Қ.Шербўтаев (1965 йил) ва Янгиер шаҳрида рўйхатда турувчи О.Бойко (1966 йил) содир этганлиги аниқланди.

Улар қўлга олинди. Ҳозирда суриштирув ишлари олиб борилмоқда.