Трамп Ким Чен Ин билан учрашишга рози бўлди

АҚШ президенти Дональд Трамп Шимолий Корея етакчиси Ким Чен Ин билан учрашишга рози бўлди. Бу ҳақда Жанубий Корея президентининг миллий хавфсизлик бўйича маслаҳатчиси Чон Ин Ён баёнот берди, деб хабар қилади TJournal.

Унинг сўзларига қараганда, Жанубий Корея музокараларда воситачи бўлиб, Ким Чен Иннинг учрашув таклифини Трампга етказган. Оқ Уй раҳбари розилик билдирган.

Айтилишича, учрашув 2018 йил майига қадар бўлиб ўтиши режалаштирилган.