Тўғри овқатланишнинг ҳақиқий калити – фаоллик, тонус ва тана оғирлигини ўз ҳаёт тарзига мос равишда сақлаб туриш. Соғлом овқатланишнинг баъзи қоидаларини кўриб чиқамиз.
Фото: «Zdorovie.com»
Ўз-ўзингизни билиб олинг
Баъзи одамлар пазандалик санъати билан шуғулланади, баъзилар учун эса микротўлқинли печ ҳақиқий қутулиш йўли ҳисобланади. Ўзингиз учун фойдали ҳисобланган тайёрлаш ва истеъмол қилиш усулини топиш жуда муҳимдир.
Ўсимликлар ва ҳайвонлардан олинадиган озиқ-овқатларни аралаштиринг
Комбинация қилинган овқатланишнинг афзаллиги шундаки, гўштли овқатларга таркибида кўп миқдорда суюқлик бўлган сабзавотлар ва мевалар қўшилганда худди шу ҳажмдаги овқатларнинг таркибидаги калория анча камроқ бўлади. Бундай ёндашиш орқали сиз ўзингизни одатдагича еяпман деб алдашингиз мумкин.
Камроқ гўшт истеъмол қилинг
Соғлом овқатланишнинг асоси гўшт эмас, балки таркибида крахмали йўқ донлилар, ёнғоқлар, уруғлар, сабзавотлар ва мевалар бўлиши керак. Бутун донлилар (сули ёрмаси, жигарранг гуруч, бутун донли нон) организмни ҳазм қилиш тизимига ва тезроқ тўйишга ёрдам берувчи клетчаткалар ва қувватни оширувчи, модда алмашинувини тезлаштирувчи B гуруҳ витаминлари билан таъминлайди.
Ёғларни истеъмол қилишда синчковроқ бўлинг
Ҳамма ёғлар ҳам организмга бир хилда таъсир кўрсатмайди. Ярим тўйинмаган ва кам тўйинмаганлари «яхши» ёғлар ҳисобланади, уларнинг таъсири ўсимлик ва лосось, форель, сельд балиғи ёғлариникига ўхшаш бўлади. Улар қондаги холестерин даражасини ошириб юбормайди ва ҳатто юрак-томир касалликлари хавфини камайтиради.
Ҳаммасини эмас, балки бирон бир қисмини енг
Агар сиз қайси озиқ-овқатларни истеъмол қилмоқчи эканлигингизни аниқлаб олган бўлсангиз ҳам, истеъмол қилаётган овқатингизнинг миқдорига эътибор беришингиз зарур.
Корнелл университети профессори Брайан Уэнсинкнинг айтишича, одамларнинг тўқлик даражаси уч хил бўлади – «мен очман», «мен яна ейишга қарши эмасман» ва «мен бошқа еёлмайман». Энг яхши йўли – ҳаммасини эмас, балки фақат бир қисминигина ейиш. Шундай қилсангиз ҳам соғлиғингизга зарар етказмайсиз ва ҳам пулингизни тежаган бўласиз.
Изоҳ (0)