23 ёшгача бўлган футболчилар ўртасидаги Осиё Чемпионатида зафар қучган Ўзбекистон термаси март ойининг сўнгги 10 кунлигида 2 та ўртоқлик ўйини ўтказиши, унда рақиб Саудия Арабистони термаси бўлиши айтилганди.
ЎФА матбуот хизмати Андижон ва Фарғонадаги стадионларда ўтадиган ўртоқлик ўйинига саудияликлар келмаслигини маълум қилди. Унинг ўрнига Кения термасига қарши ўйинлар бўлиб ўтади. Томонлар 23 март куни Андижонда, 26 март куни эса Фарғонада кураш олиб боради.
Ўзбекистон Осиёда тенгсиз эканини исботлаб бўлди. Шунинг учун биз янада кучлироқ рақибга қарши майдонга тушишга қарор қилдик. Рақиб жиддий бўлса, тайёргарлик яхшироқ бўлади. Ахир Равшан Ҳайдаров бошқарувидаги жамоа олдига Токио—2020 Олимпиадасида иштирок этиш вазифаси бўлади.Учрашувлар 20:00 да старт олади. Аввалроқ Умид Аҳмаджонов водийлик футбол мухлислари учун халқаро ўйин ўтказилиши борасида ваъда бериб ўтганди.Африкаликлар жисмонан кучли. Бақувват футболчиларга қарши майдонга чиқиш анча қизиқ бўлади. Ўйинни ҳам мухлислар учун қулай вақтга белгиладик.
Умид Аҳмаджонов, ЎФА биринчи вице-президенти
Равшан Ҳайдаров жамоаси шу йилнинг август ойида Индонезияда бўлиб ўтадиган Осиё Ўйинларида ҳам иштирок этади.
Изоҳ (0)