Режиссёр Иброҳим Расуловнинг «Oппoқ орзулар» деб номланган фильмининг премьераси 28 март куни бўлиб ўтади. Бир йилдан ортиқ вақт давомида суратга олинган мазкур картинада бош ролларни хонанда ва актёр Анвар Собиров ҳамда актриса Шаҳло Темировалар ижро этган.
Фильмда Беҳзод Муҳаммадкаримов, Муяссар Бердиқулова, Беҳзод Ҳамроев, Малика Жўраева сингари маҳоратли актёр ва актрисалар жамоаси жамланган. Микойил Сулейманов сценарийси асосида суратга олинган «Oппoқ орзулар» фильмининг премьераси Алишер Навоий номли кино саройида бўлиб ўтади.
Фильм альцгеймер касаллиги ҳақидаги дунё фильмлари асосида ишланган. «Oппoқ орзулар» фильмнинг кенг жамоатчилик учун мўлжалланган премьерасига фильм продюсери Зафар Шодмонов катта тайёргарлик кўрмоқда.
Фильмни 29 мартдан бошлаб Алишер Навоий номли кино саройида томоша қилишингиз мумкин.
Изоҳ (0)