Сеул марказий тумани прокуратураси Жанубий Кореянинг собиқ президенти Ли Мён Бакни давлат раҳбари лавозимини эгаллаган йилларида вазифасини суистеъмол қилиш иши бўйича 14 март кунига сўроққа чақирди. Бу ҳақда «Интерфакс» хабар бермоқда.
«Ҳақиқатни аниқ-тиниқ ва самарали юзага чиқариш учун Ли Мён Бакка нисбатан текширув олиб бориш зарур. Биз уни кўп бор сўроққа чақиришни режалаштирмаганмиз», — деди прокуратура вакили.
2008—2013 йилларда Жанубий Корея президенти лавозимини эгаллаган Ли Мён Бак олдинроқ коррупциявий можаро нишонига айланганди. Терговга кўра, у ҳужжатлар бўйича акасига тегишли бўлган автомобиль эҳтиёт қисмлари ишлаб чиқариш компаниясининг ҳақиқий эгаси ҳисобланади.
Терговчилар собиқ давлат раҳбари активларини назорат идораларидан яшириш учун бу компаниядан фойдаланган, деб гумон қилмоқда.
Изоҳ (0)