Австралияда хусусий мактабнинг 400 дан ортиқ ўқувчи ва ўқитувчиси янги вирусни юқтириб олди

Саутпортдаги (Австралия) хусусий мактабнинг 400 дан ортиқ ўқувчи ва ўқитувчиси янги вирусни юқтириб олганлиги сабабли ёпилади. Бу ҳақда 6 март куни Nine News телеканали маълум қилди, деб ёзади «ТАСС».

«Ўтган ойда авж олган янги вирус сабабли мактаб 23 март куни вирусга қарши пухта ва тўлиқ тозалаш учун уч кунга ёпилади», — дейди соғлиқни сақлаш маҳаллий департаменти мансабдори Пол ван Буйндер.

Янги вирус қайт қилиш, ич кетиши, тана ҳароратининг кўтарилиши каби белгилар билан характерланади. Инфекциянинг юзага келиш сабаби — мева ва сабзавотларга ишлов бериш, идишларни ювиш қоидаларининг бузилиши, маҳсулотларни тайёрлаш технологиялари, ошпазлар томонидан шахсий гигиена талабларига риоя этмасликдир.