Футбол бўйича Италия А сериясининг 27-турига келиб пешқадам «Наполи» мавсумдаги иккинчи мағлубиятини қабул қилиб олди.

Бунгача неаполлик футболчиларни фақатгина «Ювентус» мағлуб этишга муваффақ бўлганди. Энди эса «Наполи» яна ўз майдонидаги муҳим ўйинда имкониятни бой бериб қўйди. Римнинг «Рома» клубини қабул қилган Сарри шогирдлари 2:4 ҳисобида енгилди. Учрашувнинг сўнгги дақиқасида Мертенс жамоасини йирик ҳисобдан қутқариб қолди.

Туриннинг «Ювентус» клуби ҳам мазкур турда принципиал ўйинда иштирок этиб, пойтахт Римнинг бошқа бир клуби «Лацио»дан устун келди. «Лацио» туринликлар устидан зафар қуча олган икки жамоанинг бири бўлиб турганди. Римликлар 1-давра сафардан 2:1 ҳисобидаги ғалаба билан қайтган бўлиб, ўйиннинг сўнгги дақиқасида Пауло Дибала пенальтидан гол ура олмаганди.

Бу сафар айнан аргентиналик ҳужумчи сўнгги дақиқадаги аниқ зарбаси билан «Ювентус»га 3 очко келтирди. «Наполи»нинг мағлубияти сабаб эндиликда Аллегри жамоасида пешқадам бўлиб олиш имконияти пайдо бўлди.

Италия А серияси 27-тур ўйинлари 3 март, шанба

«Лацио» — «Ювентус» 0:1

Гол: Пауло Дибала, 93+ (0:1).

«Наполи» — «Рома» 2:4

Голлар: Лоренцо Инсинье, 6 (1:0). Ченгиз Юндер, 7 (1:1). Эдин Жеко, 26 (1:2). Эдин Жеко, 73 (1:3). Диего Перотти, 79 (1:4). Дрис Мертенс, 92+ (2:4).

4 март, якшанба«Аталанта» — «Сампдория» 19:00«Милан» — «Интер» 00:45