Жорий йилнинг 27 февраль куни Украина иқтисодий ривожланиш ва савдо вазирлигида Ўзбекистон ва Украина ўртасида савдо-иқтисодий ҳамкорликни янада кенгайтириш масалалари юзасидан консультация ўтказилди. Бу ҳақда Ўзбекистон Ташқи савдо вазирлиги расмий сайти хабар берди. Ташқи савдо вазирининг ўринбосари Соҳиб Саифназаров бошчилигидаги Ўзбекистон Республикаси делегациясини Украина иқтисодий ривожланиш ва савдо вазирининг ўринбосари Наталья Микольска қабул қилди.
Томонлар консультация давомида икки ёқлама савдо ҳажмини тубдан оширишга қаратилган аниқ чора-тадбирлар шунигдек, Ўзбекистон-Украина савдо-иқтисодий ҳамкорлигига қаратилган бошқа муҳим масалаларни муҳокама қилди.
Консультация сўнгида томонлар минтақалараро ҳамкорлик механизмини йўлга қўйиш, жорий йилнинг учинчи чорагида савдо-иқтисодий ва илмий-техникавий ҳамкорлик бўйича навбатдаги Ўзбекистон-Украина Ҳукуматлараро комиссияси йиғилишини, шунингдек, Тошкент шаҳрида икки мамлакат ишбилармон доира вакиллари иштирокидаги бизнес-форумларни ўтказишга келишиб олди.
Spot ёзишича, шу тариқа мамлакатлар ҳукуматлараро комиссияни 11 йилдан сўнг қайта тикламоқда — комиссиянинг аввалги мажлиси 2007 йилда Киевда бўлиб ўтган эди.
Изоҳ (0)