Ўзбекистон Миллий йиғма маълумотлар саҳифаси 1 майгача тайёр бўлади, деб ёзади Spot Давлат статистика қўмитасига таяниб.
Халқаро валюта жамғармаси Статистика департаменти миссияси Маълумотларни тарқатишнинг кенгайтирилган умумий тизимини жорий қилишда ҳукумат органларига ёрдам бериш мақсадида 21 февралдан 1 мартга қадар Тошкентда бўлди.
Миллий йиғма маълумотлар саҳифасида расмий маълумотлар манбалари, хусусан Давлат статистика қўмитаси, Марказий банк ва Молия вазирлиги томонидан эълон қилинадиган статистикага ҳаволалар бўлади. Ушбу саҳифа энг муҳим макроиқтисодий маълумотларни эълон қилиш учун универсал восита бўлиб хизмат қилиши керак.
Макроиқтисодий маълумотларнинг эълон қилиниши миллий директив органлар, шунингдек, миллий ва хорижий манфаатдор шахслар, шу жумладан, инвесторлар ва рейтинг агентликларини ахборотдан қулай тарзда фойдаланиш имконияти билан таъминлайди, буни эса Халқаро валюта жамғармаси Ижроия кенгаши иқтисодий ҳолатни ва иқтисодий сиёсатни кузатишда ўта муҳим деб ҳисоблайди.
Изоҳ (0)