«Навоий» эркин иқтисодий зонасида турли йўналишларда истиқболли лойиҳалар ҳаётга татбиқ этилмоқда. Улардан бири мармар, гранит ва композит тош маҳсулотларини ишлаб чиқаришга ихтисослашган Gazgan Marble Group хорижий инвестициялар иштирокидаги корхонанинг инновацион лойиҳасидир, деб хабар беради ЎзА.
Лойиҳа «Ўзсаноатқурилишбанк»нинг 23 миллион доллар кредит кўмагида амалга оширилади ва Навоий вилоятида экспортбоп, импорт ўрнини босувчи тайёр маҳсулот ишлаб чиқарилади.
Лойиҳанинг афзаллик томонлари шундаки, дунёда ушбу соҳада етакчи ҳисобланган Италиянинг Breton S.P.A. компанияси инновацион технологияси асосида тош чиқиндиларидан экологияга зарар етказмайдиган композит тош ва архитектура қурилмаларини ишлаб чиқариш йўлга қўйилади.
Бунинг натижасида Навоий вилоятининг 300 нафар йигит-қизи учун янги иш ўринлари яратилиши билан бирга йилига 300 минг квадрат метр ички ва ташқи бозорда юқори талабга эга замонавий безакловчи қурилиш материаллари ишлаб чиқарадиган инновацион комплекс яратилади.
Изоҳ (0)