Дунёнинг 500 нафар энг бадавлат кишиси АҚШ фонд бозорларидаги пастлаш оқибатида умумий ҳисобда 128 миллиард доллар йўқотди. Бу ҳақда EADaily хабар бермоқда.
Биржа инқирози энг кўп АҚШ (55 миллиард доллар) ва Хитой (14 миллиард доллар) милллиардерларига зарар етказди.
Жумладан, Berkshire Hathaway етакчиси Уоррен Баффет 3,74 миллиард, Марк Цукерберг 3,72, Alphabet бош директори Ларри Пейж ва Google яратувчиларидан бири Сергей Брин тахминан 3 миллиарддан, Zara асосчиси Амансио Ортега эса 2,5 миллиард доллар йўқотди.
Фонд бозорларидаги рекорд даражадаги пастлашга АҚШ президенти Дональд Трамп пўлат ва алюминий импортига янги тарифлар жорий этиш тўғрисидаги қарорни имзолашга ҳозирлик кўраётгани ҳақидаги маълумот сабаб бўлгани билдирилмоқда.