Эрон 11 февраль, якшанба куни янги баллистик ракетани тақдим этди. Бу ҳақда «Корреспондент.net» хабар бермоқда.
Суюқ ёқилғидаги ракета Теҳрондаги ислом инқилобининг 39 йиллигига бағишланган тадбирлар давомида намойиш этилди. Унинг парвоз масофаси 2 минг километрни ташкил этади.
Янгиланган «Қадр» қурилмаси ракетага қарши мудофаа тизимларидан ўтиш имкониятига эгалиги билдирилмоқда.
Шунингдек, тадбирларда яқин масофадаги «Фажр-5» ракетаси, танкка қарши бошқарилувчи «Тўфон 2-М» ракетаси, «Фотиҳ» сув ости кемаси модели ҳам намойиш этилди.
Изоҳ (0)