2017 йил якунлари бўйича «Эътироф» мукофоти совриндорларини тақдирлаш маросими ўтказилмайди. Бу ҳақда Маданият вазирлиги матбуот хизмати журналист Феруз Муҳаммадга маълум қилди.
«2017 йил якунлари бўйича «Эътироф» мукофоти совриндорларини тақдирлаш маросими ўтказилмаслиги аниқ бўлди», — деб маълум қилади вазирлик матбуот хизмати.
«Эътироф» мукофоти «Театр, кино ва оммавий томошалар», «Эстрада, анъанавий, опера хонандалиги, мусиқа ижрочилиги ва рақс санъати», «Тасвирий ва амалий санъат», «Бадиий ижод, журналистика ва телевидение», «Спорт», «Эътибор, эҳтиром, эъзоз» каби йўналишлар бўйича ўтказилар эди.
Маълумот учун, «Эътироф» мукофоти тақдимоти илк марта 2013 йил декабрь ойида ташкил этилган. 2014 ва 2015 йилларда ҳам мукофотнинг тақдимоти декабрь ойида ўтказилгани сабаб, 2016 йил декабрида мукофот бекор қилингани ҳақида турли гап-сўзлар тарқалган эди. 2016 йил якунлари бўйича «Эътироф» мукофоти совриндорларини тақдирлаш маросими доимий вақтидан бироз кечиккан ҳолда, 2017 йил 14 февраль куни «Истиқлол» санъат саройида бўлиб ўтган эди.
Изоҳ (0)