Солиқ ва бюджет сиёсатининг 2018 йилги асосий йўналишларидан келиб чиқиб солиқ қонунчилигига киритилган ўзгартириш ва қўшимчалар мазмун-моҳиятини аҳоли ва тадбиркорлик субъектларига етказиш мақсадида солиқ қўмитаси томонидан 6 кунлик кўргазмали семинар ва матбуот анжумани ташкил этилди. Бу ҳақда қўмита ахборот хизмати хабар бермоқда.
Ўзбекистон Республикаси Олий Мажлис Сенати ва Қонунчилик палатаси, молия вазирлиги ҳамда бошқа мутасадди вазирлик, идоралар масъул ходимлари иштирок этган кўргазмали семинарда Тошкент шаҳри ва вилоятида фаолият юритувчи тадбиркорлик субъектлари вакилларининг барча саволларига мутасадди ходимлар томонидан батафсил жавоблар берилди.
Тадбирда шунингдек, намуна кўрсатиб фаолияти давомида солиқларни вақтида тўлаб келаётган, қонунга итоаткор бир гуруҳ жисмоний ва юридик шахслар, шунингдек солиқ қонунчилигидаги янгиликларни тадбиркорлик субъектлари ва аҳоли ўртасида кенг тарғиб қилишдаги фаоллиги учун оммавий ахборот воситалари вакилларига давлат солиқ қўмитасининг фахрий ёрлиқлари ва эсдалик совғалари топширилди.
Изоҳ (0)