Гомель циркида (Беларусь) Москва труппасининг ҳаво гимнасти акробатик трюк бажариш чоғида қулаб тушди. Бу ҳақда «РИА Новости» хабар бермоқда.
Ҳодиса 5 январь куни Алишер Алиев бошчилигидаги жамоа чиқиши чоғида рўй берди. Aфишaда «Гимнастлар 9 қаватли бино баландлигида мисли кўрилмаган трюклар бажариши» билдирилганди.
20 ёшли қиз тўр ёнидан ўтиб, манежга қулагани билдирилмоқда. Гувоҳларга кўра, қизни шериги ушлаб қололмаган.
Жабрдийда бошидан жароҳат олди ва касалхонанинг жонлантириш бўлимига ётқизилди. Шифокорлар унинг ҳолатини оғир деб баҳоламоқда.
Изоҳ (0)