Қозоғистон президенти Нурсултон Назарбоев мамлакатдаги йирик шаҳарлар аҳолиси келгусида электромобилларни танлашига эришиш зарурлигини билдирди. Бу ҳақда «Известия» хабар бермоқда.
«Электр станциялар, хусусий уй-жойни газлаштириш, жамоат ва хусусий автотранспортини газга ўтказиш борасидаги ишларни давом эттиришимиз лозим. Келгусида Олмаота ва Остонада фақат электромобиллар ҳаракатланишига эришишимиз керак», — деди Назарбоев Олмаота мери Бауржон Байбек билан учрашувда.
Учрашувда шаҳарни ривожлантириш масалалари, экологик муаммолар ҳам муҳокама этилди.
Шунингдек, Қозоғистон президенти шаҳар аҳолисининг 2 миллиондан ошиши нафақат иқтисодий жиҳатдан ўзини таъминлаш, балки кичик ва ўрта бизнес учун ҳам янги имкониятлар яратишини таъкидлади.
Маълумот учун, Олмаота аҳолиси ҳозирги кунда 1,7 миллион кишини ташкил этмоқда.
Изоҳ (0)