«Тайфун» зирҳли машинасининг базасида Россия Ҳаво-десант кучлари учун янги ҳимояланган автомобиль яратилди. Бу ҳақда Россия Мудофаа вазирлигига таяниб, «РИА Новости» хабар берди.
Россия ҳарбий идорасининг маълум қилишича, автомобилнинг ўзига хос жиҳати — шахсий таркиб ҳимоясининг таъминланганлиги ва замонавий қуроллар комплекси билан жиҳозланганлиги. У парашют ёрдамида ҳаводан ҳам ташланиши мумкин.
Бугунги кунда янги ҳарбий машина махсус майдонлар ва полигонларда синовдан ўтказилмоқда.
Шунингдек, Россия Мудофаа вазирлигининг қайд этишича, Ҳаво-десант кучлари учун ушбу автомобиллар 2019 йилдан бошлаб серияли ишлаб чиқарилади.
Изоҳ (0)