ИШИД террорчилик гуруҳи 2017 йилда Сурия ва Ироқда худкушлардан фойдаланиб, 770 та ҳужумни амалга оширган. Бу ҳақда ИШИД ахборот агентлигига таяниб, Directorate 4 Telegram-канали маълум қилди.
Энг кўп худкушлар Ироқ армияси ва унинг иттифоқдошларига қарши қўлланилган — 493. Курдлар жойлашган нуқталарда 135 жангари ўзини портлатган. 120 та ҳужум Сурия ҳукумат армиясига қарши олиб борилган. Яна 22 та портлаш «мўътадил мухолифат» деб номланувчи гуруҳларга зарба берган.
Шу билан бирга, аниқлик киритилишича, 561 та ҳолатда портловчи модда билан тўлдирилган техникадан, 175 та ҳолатда портловчи моддали камзулдан, 28 та ҳолатда эса — худкуш камаридан фойдаланилган. Еттита ҳужумни амалга оширишда бир йўла икки худкуш қўлланилган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)