1952 йилда нашр қилинган Америка ҳарбийлари учун қўлланмадаги тавсиялар нима иш қилишидан қатъий назар, ҳарбий хизматчиларга ҳам, оддий фуқароларга ҳам мос келади.
Ҳарбий йўлбошчиларнинг таъкидлашича, аскарларнинг жисмоний кўриниши яхши бўлса, улар ўз ишини анча яхшироқ бажаради. Бу душман мудофаасини ёриб ўтувчи ўқ отувчига ҳам, муҳим маълумотларни ёзувчи машинисткага ҳам тегишли.
Қоматни яхшилаш ёки сақлаш фақат жисмоний машғулотлар ёрдамида амалга оширилади. Тажрибалардан маълумки, армия сафида хизмат қилишга камдан-кам одамлар ҳамма синовларга тайёр ҳолатда келади. Шунинг учун жисмоний тайёрлашнинг пухта ишлаб чиқилган дастури жуда муҳим ҳисобланади.
Бугунги кунда эски нақл — «Соғлом танда — соғ ақл» жуда оммабоп бўлиб кетди. Сизнинг онгингиз самарали ишлаши учун, танангиз ҳам соғлом бўлиши керак. Кўпроқ шуғулланганингиз сари, узоқроқ ишлаш ва концентрацияни сақлашга қодирлигингизни сезасиз.
Сиз ҳам жисмоний ва ҳам ақлий фаолиятни ёқтириб қоласиз. Сиз оғир меҳнатдан қочмайдиган бўласиз, чунки унчалик тез чарчаб қолмайсиз. Белингиз ингичкалашади, кўкрагингиз эса — кенгаяди.
Аҳамиятсиз муаммоларни ечиш осонлашади, катта ишлар эса бажариб бўлмайдигандек кўринмай қолади. Сиз қатъиятлироқ бўласиз ва ҳар қандай ишни бажаришга тайёр бўласиз.
Фақат бир ўзингизнинг кучли бўлишингиз оз — жамоадагиларнинг ҳаммаси бир-бирига ёрдам бериши ва бир мақсадга интилиши керак. Яхши формадаги одамлар гуруҳининг бирлашган меҳнати хоҳ уруш майдони, хоҳ офис бўлсин охир-оқибат албатта ғалабага олиб келади.
Фото: «Лайфхакер»
Изоҳ (0)