TechRadar портали мутахассислари 2017 йилнинг 15 та энг яхши смартфонлари рўйхатини тузди, деб ёзади «РИА Новости». Рейтингда Samsung Galaxy S8 етакчилик қилди, iPhone X эса бор-йўғи тўртинчи ўринни эгаллади.
Рейтингни тузишда TechRadar қурилмаларнинг қуввати, дизайни ва хусусиятларини ҳисобга олди. Бироқ асосий эътибор смартфонларнинг нархи ва сифати мувофиқлилигига қаратилди.
Биринчиликни эгаллаган Samsung Galaxy S8 кучли хусусиятлари, ажойиб камераси ва экрани билан уйғунлашган паст нархи билан мақтана олади.
Рейтингнинг биринчи учлигига, шунингдек, Samsung Galaxy S8 Plus ва Google Pixel 2 кирди.
Apple компанияси смартфонлари (iPhone X ва iPhone 8 Plus) рўйхатда тўртинчи ва тўққизинчи поғоналарни банд этди.
Энг яхши гаджетлар ўнлигига Huawei Mate 10 Pro, Samsung Galaxy Note 8, LG V30, LG G6 ва OnePlus 5Т ҳам кирди.
Изоҳ (0)