Синай яримороли шимолидаги масжидда 24 ноябрь, жума куни юз берган теракт оқибатида, сўнгги маълумотларга кўра, 155 киши ҳалок бўлган, камида 120 киши тан жароҳати олган. Аввалроқ ҳодиса оқибатида 85 киши ҳалок бўлгани ҳақида хабар берилган эди.
Sky News Arabia телеканали маълумотларига кўра, террорчилар дастлаб масжидда портлаш уюштирган. Тахминларга кўра, портловчи ускуна террорчи-худкуш томонидан ҳаракатга келтирилган.
Шундан сўнг, жангарилар масжид атрофидаги майдонни ёпиб қўйиб, бинони тарк этишга уринган одамларга қарата ўт очган.
Ҳодиса муносабати билан Миср президенти Абдулфаттоҳ ас-Сисий мамлакатда уч кунлик мотам эълон қилди. Масжидга уюштирилган ҳужумдан сўнг Мисрда энг юқори даражадаги фавқулодда ҳолат тартиби эълон қилинган.
Изоҳ (0)