Смартфонлар бозорини тадқиқ қилиш шуни кўрсатадики, унинг асосий улушини бор-йўғи учта компания — Samsung, Apple ва Huawei бўлишиб олади. Қолганлар қолдиқлар билан кифояланишига тўғри келади, деб ёзади Hi-Tech Mail.Ru.
Ўтган чоракда Samsung қарийб 13 миллиард доллар, Apple 11 миллиард долларга яқин даромади ҳақида маълум қилди, Huawei’нинг даромади эса бунинг ярмига тенг, холос. Шуниси қизиқки, дейилади хабарда, ишлаб чиқарувчилар ўз смартфонларига қўядиган устама нарх тескари тартибда жойлашган.
Яқинда чоп этилган графикка кўра, Huawei маҳсулотларининг маржиналлиги Apple’ники билан деярли бир хил даражада туради (ҳатто баъзан ошиб ҳам кетади). Samsung эса ушбу кўрсаткич бўйича уларнинг иккаласидан ҳам анча ортда қолмоқда.
Huawei’нинг флагман қурилмалари ўз хусусиятлари бўйича ҳам, нархи бўйича ҳам тез юқорилади ва 600 долларга етди. Шу тариқа, компания худди Apple каби 42 фоизлик маржа (таннарх ва сотиш нархи ўртасидаги фарқ)га келиб қолди.
Samsung уларнинг фонида анча «сахий» бўлиб кўринади, бозор ҳам бунга ижобий муносабат кўрсатиб, компанияга кўп йиллардан буён энг юқори савдо кўрсаткичларини сақлаб қолиш имконини бермоқда.
Изоҳ (0)